தேவதைகளே கவனம்

நீங்கள் கண்ணுறக்
கனியமுதாய் இருந்திட வேண்டாம்
தங்கள் தந்தையர்கூடக்
காமுறக் கூடும்...!
தேவதைகளே கவனம்...!
வெகுளி மனத்துடன்
வெளுத்ததெல்லாம் பாலென
இருந்திடவும் வேண்டாம்..!
பாட்டன் வயதினர்கூடப்
பாலுணர்வு கொள்ளக்கூடும்..!
தேவதைகளே கவனம்...!
நாகரிகம் என்ற பெயரில்
ஆடைகளைக் குறைத்திட வேண்டாம்..!
எதிர்ப்படும் ஆடவரெல்லாம்
ஆசை கொள்ளக்கூடும்...!
தேவதைகளே கவனம்...!
நல்லவனொருவன்தான் நண்பனென நம்பி
நடுவீதியில் நள்ளிரவு வரை உலவ வேண்டாம்...!
நஞ்சு கொண்ட பாம்பாய் - அவன்
நால்வருக்கு உன்னை விருந்தாக்கலாம்...!
தேவதைகளே கவனம்....!