எரிகின்ற தீயில்
எண்ணெய்யை விட்டாற்போல்
கணிணி பார்த்துக்
கனன்ற - என்
கண்ணில் குத்தூசியாய்
வந்திரங்கியது
எதிர்ச்சாரல் மழை - இன்று..!
Tuesday, August 14, 2018
Thursday, August 9, 2018
Sunday, August 5, 2018
Pancha Boothangal
பூமி தொட்டவுடன் - நம்
பசிபோக்க அன்னை
தரும் பாலும் - நீர்...!
மகிழ்ச்சி, தூக்கம்
எது வரினும் - நம்
கண்கள் வடிப்பதும் நீர்..!
நம் முதலும் நீர்..!
முடிவும் நீர்...!
பிறக்கும் பச்சைக்
குழந்தையையும் தாங்குகிறது...!
குழிதோண்டி தன்னைத்
துன்புறுத்துவோரையும்
தாங்குகிறது..!
புல், பூண்டிலிருந்து
வானளாவிய கட்டிடங்கள்
வரையில் மௌனமாய்த்
தாங்குகிறது...!
அது மட்டுமா?
இத்தனையையும் தாங்கிக்கொண்டு
தன் நேர்பாதையை
மாற்றாமல் அமைதியாய்
ஆதவனைச் சுற்றுகிறது...!
வேண்டும்போது மழையும் வெயிலும்
மாறி மாறிக் கொடுத்து
மனிதனை மகிழ்வித்து
என் கடன் பணி
செய்து கிடப்பதே
என உதவுகிறது...!
நமக்குத் தேவையான
ஆக்சிஜனையும் கொடுத்து
நாம் வெளியிடும்
கொடூர மாசுகளையும் ஏற்று
அமைதியாய் உலவுகிறது..!
வீட்டிற்கு விளக்கேற்றவும்
பிணத்திற்குக் கொள்ளி போடவும்
ஆதி முதல் அந்தம் வரை உதவி
உன்னதமடைந்த அதிசயப் பிறவி..!
கொஞ்சம் சிந்தியுங்கள்...!
அற்ப மனிதர்கள் - நாம்
இவர்களை இவ்வாறு
துன்புறுத்தினால்
இவர்கள் பொங்கியெழுந்தால்..?
Wednesday, August 1, 2018
என் முதல் பயணக்கட்டுரை
மகனே
நாமிருவரும்
எதிரெதிர் நின்றாலும்
வலி புரியாத
உன் கண்ணீரில்
நானும் கரைந்து
தான் போகிறேன்...!
தேவதைகளே கவனம்
கனியமுதாய் இருந்திட வேண்டாம்
தங்கள் தந்தையர்கூடக்
காமுறக் கூடும்...!
தேவதைகளே கவனம்...!
வெகுளி மனத்துடன்
வெளுத்ததெல்லாம் பாலென
இருந்திடவும் வேண்டாம்..!
பாட்டன் வயதினர்கூடப்
பாலுணர்வு கொள்ளக்கூடும்..!
தேவதைகளே கவனம்...!
நாகரிகம் என்ற பெயரில்
ஆடைகளைக் குறைத்திட வேண்டாம்..!
எதிர்ப்படும் ஆடவரெல்லாம்
ஆசை கொள்ளக்கூடும்...!
தேவதைகளே கவனம்...!
நல்லவனொருவன்தான் நண்பனென நம்பி
நடுவீதியில் நள்ளிரவு வரை உலவ வேண்டாம்...!
நஞ்சு கொண்ட பாம்பாய் - அவன்
நால்வருக்கு உன்னை விருந்தாக்கலாம்...!
தேவதைகளே கவனம்....!